Home
રાજકારણ
રાજ્યપાલે પશ્ચિમ બંગાળ વિધાનસભા ભંગ કરી, મમતા બેનર્જીએ સીએમ પદેથી રાજીનામું આપ્યું નથી

રાજ્યપાલે પશ્ચિમ બંગાળ વિધાનસભા ભંગ કરી, મમતા બેનર્જીએ સીએમ પદેથી રાજીનામું આપ્યું નથી

09:42 PM May 07, 2026 Gujju News Channel

West Bengal Government Formation Updates: પશ્ચિમ બંગાળના રાજ્યપાલે વિધાનસભા ભંગ કરવાની જાહેરાત કરી છે. બંગાળ વિધાનસભાનો કાર્યકાળ આજે પૂરો થઈ રહ્યો હતો. જોકે મુખ્યમંત્રી મમતા બેનર્જીએ હજુ સુધી પોતાના પદ પરથી રાજીનામું આપ્યું નથી

Bengal Election and New Goverment : ચૂંટણીના પરિણામો બાદ મમતા બેનર્જીએ ચૂંટણી પંચ અને ભાજપ પર ગંભીર આરોપો લગાવ્યા હતા. મમતા બેનર્જીએ કહ્યું હતું કે ટીએમસીને લગભગ 100 બેઠકો પર બેઇમાનીથી હરાવ્યા છે. જોકે ભાજપે આ તમામ આરોપોને નકારી કાઢ્યા હતા. મમતા બેનર્જીએ કહ્યું હતું કે એસઆઈઆરમાં લગભગ 31 લાખ નામ કાઢી નાખવામાં આવ્યા છે અને ભાજપને ટીએમસી કરતા 32 લાખ વધુ મત મળ્યા છે. મમતા બેનર્જી ટીએમસીની હાર માટે એસઆઈઆરને જવાબદાર ઠેરવી રહ્યા છે.

► સુવેન્દુ અધિકારીએ મમતા બેનર્જીને 15,000 મતોથી હરાવ્યા

મમતા બેનર્જી ભવાનીપુર વિધાનસભા બેઠક પરથી સુવેન્દુ અધિકારી સામે ચૂંટણી લડી રહ્યા હતા અને હારી ગયા હતા. સુવેન્દુ અધિકારીએ મમતા બેનર્જીને 15,000 મતોથી હરાવ્યા હતા. ભવાનીપુરને મમતા બેનર્જીનો ગઢ માનવામાં આવતો હતો, પરંતુ આ વખતે ભાજપે કિલ્લાનો ભંગ કર્યો હતો.

► ભાજપના ધારાસભ્ય દળની બેઠક 8 મે ના રોજ મળશે

ભાજપના ધારાસભ્ય દળની બેઠક 8 મે ના રોજ મળવાની છે અને રાજ્યના આગામી મુખ્યમંત્રી તરીકે વિધાયક દળના નેતાની પસંદગી કરવામાં આવશે. બંગાળ વિધાયક દળના નેતાની પસંદગી માટે ભાજપે ગૃહમંત્રી અમિત શાહને નિરીક્ષક તરીકે નિયુક્ત કર્યા છે. 9 મેના રોજ બંગાળના મુખ્યમંત્રી પદ માટે શપથ ગ્રહણ સમારોહનું આયોજન કરવામાં આવ્યું છે. 2021માં ભાજપે સુવેન્દુ અધિકારીને વિધાનસભા પક્ષના નેતા તરીકે ચૂંટ્યા હતા અને તેમણે વિપક્ષના નેતાની ભૂમિકા ભજવી હતી. ભાજપ રાજ્યના આગામી મુખ્યમંત્રી તરીકે વિધાયક દળના નેતાની પસંદગી કરશે.